Апас спорт мәктәбенең яшь көрәшчеләре сынатмады

(15 апрель, “Апастово-информ”).

Буа шәһәрендә Татарстан республикасының Атказанган табибы, медицина фәннәре кандидаты, Татарстанның сәламәтлек саклау министры булып эшләгән Марат Садыйков истәлегенә көрәш ярышлары оештырылды. Әлеге ярышларда районыбызның яшь көрәшчеләре дә үз үлчәү категорияләрендә бил алышты һәм призлы урыннарга лаек булды.
Инсаф Гыймадиев 2нче (50 кг), Дамир Закиров 3нче (60 кг), Рузиль Галиев 2нче (60 кг), Камил Сафиуллин 2нче (70 кг), Азамат Мөхәммәтшин 1нче (75 кг), Рафаэль Хәсәнов 3нче (80 кг) урыннарны яуладылар.