Гаилә бәйрәме уңаеннан Апас мәктәбе укучылары әти-әниләре белән бергәләп, җитезлектә көч сынаштылар.
(17 май, “Апастово-информ”).
Бәйрәм “Безнең гаилә – спорт белән дус” девизы астында һәм гаилә кыйммәтләрен ныгыту, сәламәт яшәү рәвешен пропагандалау, спортка мәхәббәт тәрбияләү максатларыннан үткәрелде.
Ярыш-уеннарда барлыгы алты гаилә катнашты. Алар өчен иң кызыклы конкурслар оештырылды.
“Күңелле стартлар”ны гөрләтеп кайттык әле. “Спортсмены в белом” командасы белән ярыштык. “Иң күңелле гаилә” исемен яуладык”, - дип уртаклаша Апас урта мәктәбе укытучысы Ләйсән Зиннәтуллина социаль челтәрләр битендә.
Бәйрәм ярышы балаларның да, ата-аналарның да күңелләрендә якты хисләр калдырды.
Бу көнне райондашлар ГТО нормативларын да тапшырды.
Нет комментариев