Апасның Боз сараенда яңа елда беренче хоккей уеннары узган

(4 гыйнвар, "Апастово-информ").

Хоккей ярышлары, гадәттәгечә, күтәренке рухта узган. Бозда "ут уйнап торган", җанатарларның шат авазлары яңгырап, хоккейчыларга көч биргән.
""Ут-уен" булды. Хоккейчылар сынатмады.Яшүсмерләр командасы да бирешмәде. Җыелма команда егетләре дә сер бирмәде. Осталык һәм тәҗрибә өстенлек итте. Нәтиҗәдә, Апасның ир-егетләр җыелма командасы 11:8 исәбе белән җиңде"- дип хәбәр итте районның яшьләр эше һәм спорт бүлеге җитәкчесе Ленар Мотыйгуллин.