Апасның яшь спортчылары Казанда заманча хоккей уйнау төре белән таныштылар

(20 февраль, “Апастово-информ”).

Бу атнада Казанда “Киләчәк уеннары” башлана. 21 февральдә Татарстан башкаласы дөнья тарихында беренче тапкыр халыкара турнирны кабул итә.
“Әлеге уеннарның берсе - фиджитал-хоккей төре белән безнең балалар да танышты. Хоккейчылар башта компьютер аша уйныйлар, аннары чын мәйданчыкларга чыгалар. Яңача, заманча хоккей уены аларда зур кызыксыну уятты. Бик күңелле һәм файдалы сәфәр булды”, - дип хәбәр итте районның яшьләр эше һәм спорт бүлеге җитәкчесе Ленар Мотыйгуллин. Ул шулай ук фиджитал-хоккей һәм фиджитал-футбол уеннарын тиздән райныбызда да оештырылачагын белдерде.