Зөфәр Зәмдиханов Кубогына узган волейбол ярышларының җиңүчеләре билгеле булды

(1 декабрь, “Апастово-информ”).

Уеннарда барлыгы 17 команда катнашты. Кайбыч, Тәтеш, Яшел Үзән районнарыннан да волейболчылар килде. Җиңүче командаларга Мактау грамотасы, медальләр тапшырылды. Иң яхшы уенчылар истәлекле бүләкләргә лаек булды.
Кубок – Биеш урта мәктәбе командасы кулында. Аларга иганәчеләр тарафыннан акчалата бүләкләр дә әзерләнгән иде. Икенче урынны Яшел Үзән, өченче урынны Апас спорт мәктәбе командалары яулады.