Кече Болгаер китапханәсе әниләрне кунак итте

(26 ноябрь, “Апастово-информ”).

Кадерле әниләрен котларга аларның кыз-уллары килде. Алар газизләренә иң матур шигъри юлларын җиткерделәр.
Олы Болгаер авыл җирлеге башлыгы Сәйфуллина Зилә Имам кызы үзенең котлауларын җиткерде.
Әле кичәгә матур әдәбиятны яратып укучы, улы махсус хәрби операциядә катнашучы Фәйзуллин Рифат Илшат улының әнисе Фирая Кәрим кызы да чакырылды. Ул үзенең уй-кичерешләре белән уртаклашты. Барлык әни дә "Балама теләкләрем" дигән уен аша иң матур фикерләрен яңгыратты. Әниләр өчен матур җыр, шигырьләр яңгырады. Балалар әниләренә кояш кебек балкып торучы көнбагыш чәчкәләре бүләк итте. Әниләрнең йөзләрендә шулкадәр шатлык хисләре чагылды, балалары белән горурлануларын яшереп кала алмадылар. Әниләр балалар белән бергәләп түгәрәк табын артында чәйләр эчте. Бу хакта китапханәче Гөлүсә Гайфуллина хәбәр итте.