Олы Бакырчы мәдәният йорты каршында эшләп килүче

(25 февраль, “Апастово-информ”).

Юбилей кичәсен авыл җирлеге башлыгы Фәрит Вәлиев ачып җибәрде. Мәдәният бүлеге җитәкчесе Рөстәм Мингазиев изге теләкләрен юллап, Рәхмәт хатларын тапшырды.
Бәйрәм ихлас теләкләр, һәвәскәрләрнең дәртле биюләре, җыр-моңнары белән үрелеп барды. Зал тутырып килгән тамашачы һәр чыгышны көчле алкошларга күмеп, күңеленә ял һәм рухи азык алды. Шулай ук чарада Ватанны саклаучылар көне уңаеннан ир-егетләр, бүгенге көндә армия сафларында булган, хәрби операциядә катнашкан авылдашлар, гаилә елы уңаеннан алтын туйларын билгеләп үтүче гаиләләләр дә искә алынды, алар хөрмәтенә җыр-моңнар яңгырады.
“Концертта катнашучы артистларыма, “Сердәш” ансамбле егет-кызларына, җитәкчеләремә, зал тутырып килгән тамашачыга олы рәхмәтемне белдерәм”, - ди кичә турында хәбәр итүче мәдәният йорты мөдире Ландыш Моталлапова.