Бүләк бирү – сөннәт гамәл

  Болар тагын бер кабат динебезнең күркәмлеген, иң гадел, дөрес дин булуын ассызыклый. Пәйгамбәребез Мөхәммәд салләллаһу галәйһи вә сәлләмнең “Бер-берләрегезгә сәлам таратыгыз, кунакларыгызны хөрмәт итегез, күршеләрегезгә яхшы мөгамәләдә булыгыз”, – дигән нәсыйхәтләре әдәп-әхлак кагыйдәсе булып тора. Бу үзгәрешсез тәртипләр һәр заман, урын өчен үз актуальлеген югалтмый.

  Шундый күркәм гадәт, нәсыйхәтләрнен берсе – бүләк бирешү. Бүләк бирешү күркәм сөннәт булып тора. Пәйгамбәребез Мөхәммәд салләллаһу галәйһи вә сәлләм: “Бер-берләрегезгә бүләк бирешегез һәм сез бер-берегезне яратырсыз”, – дип әйткән (имам Әл-Бохари хәдисләр җыентыгыннан).
 
  Бүләк бирүнең билгеле бер сәбәпләре (мәсәлән, бәйрәмнәр, нинди дә булса күңелле вакыйга белән котлау) булырга, яки ул бернинди дә сәбәпсез, Аллаһ ризалыгы өчен дип, шул кешене ярату, якын итү, аңа хөрмәт хисләрен белдерергә теләү нәтиҗәсендә дә булырга мөмкин. Иң мөһиме – кешенең күңелендә изге ният булу”, - дип яза Тимергали хәзрәт Юлдашев.

_{Чыганак:https://kiziltan.ru/articles/iman/2024-10-16/b-l-k-bir-s-nn-t-gam-l-3968863?utm_source=vk&utm_medium=social&utm_campaign=32350601}

_{Фото:https://ru.freepik.com/free-photo/top-view-round-mystery-box_29307475.htm#fromView=search&page=1&position=1&uuid=fc21241f-7a3a-48e6-920f-6fde88933987}