Йортка, нигезгә дога кылып теләк теләү ТӘРТИБЕ

(Әй, рәхимле, шәфкатьле Раббым, җирләр дә, күкләр дә Синең әмереңә буйсына! Бөтен сөенечләр һәм хәсрәтләр Синең кулыңда! Әй, Раббым, теләгән бәндәләреңә һәм теләгән җирләргә Син бәрәкәтләр иңдерәсең! Теләсәң, ул бәрәкәтләрне ала да аласың. Әй, Раббым, шушы нигезләргә бәрәкәтеңне, рәхмәтеңне, нурыңны һәм сакчы фәрештәләреңне иңдер. Шушы нигездә яшәүче бәндәләреңнең тәннәренә — сихәт, җаннарына — тынычлык, калебләренә һидаять нурын иңдер һәм араларына өлфәт мәхәббәтләр насыйп ит.

Әй, Хафиз булган Аллаһ, аларның нигезләрен һәм үзләрен күзләр күрә алган һәм күрә алмаган бөтен начарлыклардан сакла! Бигрәк тә ут бәлаләреннән, су басулардан, җил-давыллардан, каракларның начар эшләреннән сакла! Шушы нигезләрендә сөенеп, шатланып, киң ризыклар белән ризыкланып озын гомерләр яшәүләрен насыйп ит.)

Чыганак:https://shahrikazan.ru/news/yazmalar/yortka-nigezg-doga-kylyp-telk-tel-trtibe

Фото:https://ru.freepik.com/free-photo/islamic-new-year-concept-with-copy-space_9259617.htm#fromView=search&page=1&position=1&uuid=cc8291ed-1ed0-4e7d-ad3b-364adcb5d6d1