Югары Балтай авылы мәчетендә Корбан мәҗлесе узды

(6 июль, “Апастово-информ”).

Корбан мәҗлесенә район башлыгы ярдәмчесе Булат Гатиятуллин да килде. Ул авыл имамы Рафаэль хәзрәткә район башлыгының Рәхмәт хатын тапшырды һәм изге теләкләрен җиткерде. Авыл җирлеге башлыгы Илфир Гәрәев халыкны бәйрәм белән котлады.

Район мөхтәсибе Мирхәт хәзрәт, мөслимәләр берлеге җитәкчесе Венера Сәгъдиева һәм Рафаэль хәзрәт тирән мәгънәле вәгазьләр сөйләделәр, авыл халкын Корбан ае белән тәбрик иттеләр, һәркемгә исәнлек, иман байлыгы, чалынган корбаннарның кабул булуын теләделәр.