Кабер газабыннан котылу һәм мәшәкатьләрне җиңеләйтү өчен нинди сурәләрне укырга?

  «Аллаһның рәхмәте белән проблемаларны хәл итә һәм кабер газабыннан коткара торган сүрәләр, дип, Әд-Дәрими Ибне Габбастан Расүлуллаһның мондый хәдисен риваять итә:

  «Көн башында «Йәсин» сүрәсен укучының – көн дәвамында, ә төнлә «Йәсин» укучының иртәнге вакытка кадәр мәшәкатьләре җиңеләйтелә».

  Ибне Мәсгуд радыяллаһу ганһе мондый хәдис тапшыра:

  «Берәү һәр төнне «Тәбәәракәл-ләзии...»не («Әл-Мүльк» сүрәсен) укыса, шуның сәбәбендә Аллаһы Тәгалә аны кабер газабыннан коткарыр.

  Пәйгамбәребез салләллаһу галәйһи вә сәлләм вакытында без аны «коткара торган» дип атый идек» (имам Ән-Нәсаи).

  Ил-көннәребез имин, күкләребез аяз, күңелләребез тыныч булса иде, дип яза хәзрәт.

  _{Чыганак:https://intertat.tatar/news/kaber-gazabynnan-kotylu-ham-masakatlarne-inelaitu-ocen-nindi-suralarne-ukyrga-5869348}