Мәрхүмнәрнең рухы тынычлыгы өчен нишләргә?

  Коръән укып, савабын мәетнең рухына багышлау.

  Үлгән кеше өчен хәер-дога кылу. Ибраһим пәйгамбәрнең догасын һәм белгән догаларыбызны уку. Ибраһим: “Раббәнә-гъфирлии вәли-вәәлидәййә вәлил-му’миниинә йәумә йәкуумүл-хисәәб”, – дип дога кылган. Мәгънәсе: «Йә, Раббым, үземне, ата-анамны һәм башка мөэминнәрне Кыямәт көнендә мәгъфирәт кыл».

  Кешеләргә бурычы булса, бурычын түләү.

  Изге эшләр эшләп, савабын мәетнең рухына багышлау. Мәет җирләнгәннән соң беренче көннән башлап, җиденче көнгә кадәр ярлыларга сәдака биреп, савабын мәетнең рухына багышларга мөмкин. Бу – сөннәттер. Хәленнән килмәгәннәр, ике рәкәгать нәфел намазы укып, савабын мәеткә багышларлар, дип язылган «Мәет озату йолалары» китабында.

_{Чыганак:https://kiziltan.ru/articles/iman/2025-01-14/m-rh-mn-rne-ruhy-tynychlygy-chen-nishl-rg-4082882}