Рамазан – ганимәт, нигъмәт, табыш ае

Пәйгамбәребез Мөхәммәд салләллаһу галәйһи вә сәлләм: “Әй Аллаһ коллары! Рамазан ае килде. Бу бөек ай сезне үзенең шәүләсе белән каплый”, – дигән.

Бу ай – ганимәт, нигъмәт, табыш ае. Без “табыш” сүзен бик яратабыз. Табыш – ул дәүләт, байлык, дөнья малы. Рамазан ае табыш булгач, ул нинди дәүләт, байлык соң? Рамазан ае – дөнья малы, табышы түгел. Уразаны дөньяда байлыкка ирешер өчен түгел, Аллаһы Тәгалә ризалыгы өчен, Әхирәт дәүләтенә ирешер өчен тотабыз.

Бу ай кемнәр өчен табыш соң? Рамазан ае бу айга исән-имин, сәламәт килеш ирешүчеләр өчен табыш булып тора. Рамазан аенда ураза тоту - фарыз гамәл, Ислам диненең рөкене. Мөселман кешесе бу айда Коръән иңгәнен, Коръәнне күп уку тиеш икәнен белә. Имам Әбү Хәнифә хәзрәтләре Рамазан аенда ике тапкыр: көндез вә кич (төнлә) Коръәнне хәтем кыла торган булган. Рамазан аенда Коръән укырга әзерме сез?” – дип яза “Дин вә мәгыйшәт”.
 

Чыганак: https://kiziltan.ru/articles/iman/2023-03-02/ramazan-ganim-t-nig-m-t-tabysh-ae-3162459?utm_source=vk&utm_medium=social&utm_campaign=32350601

Фото: https://ru.pinterest.com/pin/114138171799274194/