Сәдакага ничек дога кылырга?

Апастово-информ, 20 май 2024 - 13:51

376

Пәйгамбәребез Мөхәммәд салләллаһу галәйһи вә сәлләм үзенең бер хәдисендә: “Һәркем үзенең һәр буыны өчен һәркөнне сәдака бирсен. Ике дошманны килештерү — сәдака, юлчыга ярдәм итү — сәдака, яхшы сүз — сәдака, намазга баручының һәр адымы — сәдака, юлда кешеләргә комачаулык ясаучы әйберне алып куюың — сәдака”, — дип әйтте. Сәдакага ничек дога кылырга, түбәндә сүз шул хакта.

хфәз сахибә һәзиһис-садәкати гәнил-аафәәти үәл-бәлиййәәти үәгфир зүнүүбәһүү үә әккид иимәәнәһүү үә әксыйр әмүәәләһүү үә үәффикһү гәләә хайри мәкасыйдиһ”. (Мәгънәсе: Йә Рабби, ошбу сәдака бирүчене афәтләрдән һәм бәлаләрдән сакла һәм шулай ук аның гөнаһларын гафу ит. Аның иманын куәтлә, малын арттыр һәм аңа хәерле макстатларына ирешергә насыйп ит).

Сәдакаләргә дога кылу
Йә, Раббым! Үзеңнең ризалыгыңны өмет итеп, Пәйгамбәребезнең шәфәгәтен өмет итеп, Ислам диненең алга баруын өмет итеп биргән бу бәндәләреңнең хәер-сәдакаләрен үзеңнең киң рәхмәтең белән кабул итсәң иде.

Аллаһ ризалыгы өчен биргән сәдакаларыгыз бәрабәренә Аллаһ Сөбехәнә вә Тәгалә уйламаган җирдән киң ризыклар, хәләл маллар, ләззәтле тәгамнәр ирештерсә иде.

Аллаһ ризалыгы өчен биргән сәдакаләрегез бәрабәренә сезләрдән дога өмет иткән җәмигы әрвахларыгызның рухларын шат кылса иде.

Аллаһ ризалыгы өчен биргән сәдакаләрегез бәрабәренә хәер биргәндә күңелегездә нинди изге морад-максудларыгыз булса, хәерле, изге морад-максудларыгызга ирешергә насыйп булса иде.

Аллаһ ризалыгы өчен биргән сәдакаләрегез бәрабәренә Аллаһ сөбөхәнә вә тәгалә сезгә юмартлар дәрәҗәсе биреп, кыямәт көнендә үз малыгыз булса иде, үзегезне каршы ала торган нур булып, тәмуг утына пәрдә булса иде.

Йә, Раббым! Ошбу сәдака бирүчеләрне афәтләрдән сакла, аларның малларын арттыр, хәерле максатларына ирештер, аларның гөнаһларын гафу кыл, һәм дә аларның иманын куәтле кыл. Әәмиин.

Раббәнә әтинә фиддунья хәсәнәтән вә филь әхирәти хәсәнәтән вә кыйна гәзәбәннәр. Бирәхмәтикә йә әрхәмәр рахимиин. Илаһи, Әәмиин. (Ике кул белән битне сыйпыйбыз).