Шыгай авылы мәчетендә ифтар мәҗлесе узды

(13 апрель, “Апастово-информ”).

Ифтар мәҗлесенә район башкарама комитеты буенча эшләр идарәчесе Ринат Гыйльфанов та катнашты һәм изге теләкләрен ирештерде. Авыл имамы Гайфетдин хәзрәт дөньяларның тыныч булуын теләп, вәгазьләр сөйләде, дога кылды. Сатламыш авыл җирлеге башлыгы Равилә Сибгатова Рамазан ае белән тәбрикләде.

Рәдинә апа Җанитмерова табын әзерләүче апаларга рәхмәтләрен әйтте. Надия абыстай Камалиева да вәгазе белән уйланырга мәҗбүр итте. Бу хакта Шыгай авылыннан Дамир абый Камалиев хәбәр итте.