Чәйгә алма салырга кирәкме?

Безнең әбиләр юкка гына алмалы чәй эчми.
Кайнар чәйгә алма салганнан соң, андагы С витамины гына югала икән. В, Р, А, Е витаминнары, башка микроэлементлар, пектин исә шул ук күләмдә чәйгә чыга.
Алманы яшел чәйгә дә, карасына да салырга була. Шулай ук аның янына әфлисун, лимон, мандарин, бөтнек, бал, гөлҗимеш, дарчин, канәфер, түгәрәк кара борыч өстәргә мөмкин.
Алмалы чәйне ничек әзерләргәме? Кайнап торган суга барлык әйберләрне салып, 10-15 минут кайнатасың да витаминлы чәй әзер.
Кыш буе үз бакчагызның алмасын чәйгә салып эчәсегез килсә, аны көздән киптереп куярга да була.
Алмалы чәй файдалы! Рәхәтләнеп эчегез!
Сез алмалы чәй яратасызмы?

Реклама

Чыганак: https://kiziltan.ru/articles/raznoe/2022-10-08/ch-yg-alma-salyrga-kir-kme-2982140?utm_source=vk&utm_medium=social&utm_campaign=32350601