Даруларны дөрес саклыйсызмы?

  Уфаның Җәмәгать сәламәтлеге һәм медицина профилактикасы республика үзәге табиблары даруларны саклау турындагы иң мөһим кагыйдәләр турында сөйләде.
Даруларны саклау буенча биш киңәш.
  Төргәкләрне саклагыз, анда иң мөһим мәгълүмат: препаратның исеме һәм аның гамәлдәге матдәсе, яраклылык вакыты, саклау шартлары күрсәтелгән.
Температура режимы. Әгәр төргәктә «суыткычта сакларга» дип күрсәтелгән булса, температура +2 дән +8 градуска кадәр, «салкын яки салкынча урын» – +8 дән +15 градуска кадәр, «бүлмә температурасы» диелгән очракта +15 дән +25 градуска кадәр булырга тиеш, «8/15/25 тән югары булмаган температурада сакларга» дип күрсәтелгән икән, димәк, температура +2 градустан түбәнрәк булмаска тиеш.
  "Даруны суыткычка куйганчы, аны полиэтилен пакетка яки ябыла торган контейнерга салыгыз, бу препаратны дымнан сакларга ярдәм итәчәк. Препарат туңган очракта, аны куллану катгый тыела!»
  Даруларны кояш төшмәгән һәм дымлы булмаган коры урында сакларга кирәк. Мәсәлән, ванна бүлмәсе, югары дымлылык аркасында, даруларны саклау өчен иң яхшы урын булып тормый.
  Бәхетсезлек очраклары булмасын өчен, өй аптечкаларын кечкенә балаларның буе җитмәслек урында саклагыз.
  Аптечканы тикшереп торыгыз. Яраклылык вакыты чыккан даруларны ташлагыз. Беркайчан да вакыты чыккан даруларны кабул итмәгез, чөнки алар үз нәтиҗәлелеген югалтырга яисә сәламәтлек өчен куркыныч булырга мөмкин.

_{Чыганак:https://kiziltan.ru/articles/poleznoe/2024-11-26/darularny-d-res-saklyysyzmy-4024455}

_{Фото:https://kiziltan.ru/}