Инфекционист коронавирусның киләсе дулкыны кайчан булачагын әйтте

Авыруның киләсе дулкыны ноябрь ахырында көтелә. Бу хакта «РИА новости»га инфекционист Николай Малышев хәбәр иткән.

«Хәзер бер урында торабыз, соңгы вакыттагы күрсәткечләр бер үк төрле. Хәлләр тотрыклы. Ноябрь ахыры, декабрь башында респиратор авыруларның һәм коронавирус инфекциясенең дә арту ихтималы бар», – ди Малышев.

Узган тәүлектә Мәскәүдә коронавирус инфекциясе йоктыруның 4946 очрагы теркәлгән, 30 кеше үлгән.

Татарстанда 942 кеше коронавирус инфекциясен йоктырган.

Чыганак: https://tatar-inform.tatar/news/infekcionist-koronavirusnyn-kilase-dulkyny-kaican-bulacagyn-aitte-5860003