Кәефегез төшсә, шоколад һәм әфлисун ашагыз

Көч бетсә, канда шикәр кими. Тәмле итеп баллы чәй эчеп алыгыз.

Шоколад белән әфлисун да кәефне күтәрә.

Битарафлыкка бирелмәгез, үз-үзегезне көчләп булса да, ниндидер файдалы шөгыл табыгыз.

Су — шлакларны гына түгел, кире йогынтыны да юа. Кулларыгызны терсәккә тикле аккан салкын су белән юу да күңелегезгә җиңеллек бирер.

Тәбигаткә чыгу — агачлар, куаклар, чәчәкләр арасында булу, бакчада йөрү, кошлар тавышын тыңлау — кайгы-хәсрәтне басуга яхшы дәва.

Кешеләр белән аралашу, күңелеңне ачып салу да хәлне җиңеләйтә. Якын дусыгыз, таяныр кешегез булса — уй-хисләрегезне яшермәгез, аралашыгыз, сөйләшегез, дип яза “Саулык. Татар халык медицинасы”.
 

Чыганак: https://kiziltan.ru/articles/poleznoe/2022-09-05/k-efegez-t-shs-shokolad-m-flisun-ashagyz-2935126?utm_source=vk&utm_medium=social&utm_campaign=32350601