Кайсы витамин ракны кисәтә?

Галимнәр гап-гади һәм кыйммәтле булмаган витаминның яман шешне булдырмауда мөһим роль уйнавын ачыклаган.
Ул – Д витамины. АКШ галимнәре тикшеренүләр үткәргән һәм “кояш витамины”ның яман шешләрдән саклау үзенчәлегенә ия булуын раслаган. Бу экваторга якын яшәүчеләрдә онкология авыруларының сирәгрәк булуын да аңлата.
Үткәрелгән тәҗрибә Д витамины кулланучыларда рак метастазалары булу мөмкинлегенең 38 процентка кимүен күрсәткән. Шул ук вакытта аларда авыру барлыкка килү хәвефе 17 процентка кимегән.
Галимнәр кояш сирәк күренгән төбәкләрдә яшәүчеләргә Д витаминын куллануны аеруча киңәш итә.
Д витамины майлы балыкта, йомырка сарысында да күп.

Чыганак: https://kiziltan.ru/articles/zdorovie/2022-10-08/kaysy-vitamin-rakny-kis-t-2982177?utm_source=vk&utm_medium=social&utm_campaign=32350601