Район үзәк хастаханәсендә вакцинация дәвам итә

(16 март, “Апастово-информ”).

Белгечләр ОРВИ, пневмония, грипп, “COVID-19” кичергән кешеләргә кабат чирләмәс өчен инфекцияләргә каршы вакцина ясатырга киңәш итә.
“Пневмониягә каршы прививка балаларга ике айлык вакыттан башлап ясала. Бер яшькә кадәр башланган очракта вакцина өч тапкыр кертелә, ике яшьтән соң исә бер генә тапкыр ясала. Аның саклау тәэсире якынча өч ел дәвам итә”, - ди Равилә Шакирова.
Хастаханәдә пневмониягә каршы берничә төрле вакцина кулланыла. Табиблар халыкны үз сәламәтлекләренә игътибарлы булырга һәм вакытында прививка ясатырга чакыра.