Татарстанда битлек режимын һәм башка Сovid-чикләүләрне кертергә җыенмыйлар

Бу хакта «Татар-информ» мәгълүмат агентлыгында узган матбугат конференциясендә Роспотребнадзорның ТР буенча идарәсе җитәкчесе урынбасары Любовь Авдонина сөйләде.

Аның сүзләренчә, хәзерге вакытта тәкъдим итү чаралары җитәрлек, бары республика халкы вакцинация мәсьәләсенә җаваплырак карарга тиеш.

«Бүген әйләнештәге штаммнар, пандемия башында булганнардан аермалы буларак, башка. Авыру җиңелрәк үтә. Шул ук вакытта штаммнар контагиозлы һәм йогышлы, әмма бүгенгә вазгыять тулысынча контрольдә», – дип аңлатты республика ведомствосы җитәкчесе урынбасары.

Любовь Авдонина сүзләренә караганда, битлек режимы хәзерге вакытта тәкъдим итү характерында.

«Татар-информ» элек Россиянең 11 төбәгендә җәмәгать урыннарында мәҗбүри рәвештә битлекләр кию янә кертелгәнлеген хәбәр иткән иде.

Чыганак: http://https://tatar-inform.tatar/news/tatarstanda-bitlek-rezimyn-ham-baska-sovid-ciklaularne-kerterga-yenmyilar-5860173