Түбән Камада онкодиспансерның яңа баш табибын тәкъдим иттеләр

Республика клиник онкология диспансеры филиалының баш табибы итеп Александр Андреев билгеләнде. Эшлекле дүшәмбедә яңа җитәкчене район башлыгы урынбасары Александр Умников тәкъдим итте. Умников билгеләп үткәнчә, Александр Андреев – яшь, әмма тәҗрибәле белгеч. Ул Удмуртиядә туган, Ижау дәүләт медицина академиясен тәмамлаган, әмма үзенең һөнәри эшчәнлеген Түбән Кама белән бәйләгән. Эшләгән елларында табиб-онкологтан поликлиника хезмәте җитәкчесенә кадәр юл үтә. 2024 елда ул «медицинада куркынычсызлык» программасы буенча укып чыга һәм республиканың кадрлар резервына кертелә. 

Андреевның районда паллиатив ярдәмне үстерүгә керткән өлешенә аерым игътибар бирелә. Ул бу юнәлешнең башлангычында тора, пациентларга хәтта иң катлаулы ситуацияләрдә дә тормыш сыйфатын саклап калырга ярдәм итә. Шулай ук ул профессиональ бергәлектә актив катнаша: бөтенроссия конференцияләрендә чыгыш ясый, студентларга һәм хезмәттәшләренә лекцияләр укый, сәламәт яшәү рәвеше алып бара.
Чыганак – “Татар-информ”.