Татарстан халкына саклык чараларын искә төшерделәр

8 сентябрьдә республика территориясендә көчле җил, яңгыр, томан һәм урыны белән яшен көтелә. Җил тизлеге секундына 18 метрга кадәр җитә ала.

Ведомство вәкилләре гражданнарга түбәндәге куркынычсызлык кагыйдәләрен искә төшерә:

• Җир асты кичүләренә һәм башка тирәнәйтелгән урыннарга төшмәгез;

• Су баскан участоклар аша узарга тырышмагыз;

• Ачык һавада озын вакыт булырга ярамый;

• Машинаны агачлар янына куймагыз.

Ашыгыч очраклар өчен бердәм хезмәт телефоны – 112. Бәладән саклану өчен алдан әзерләнергә киңәш ителә.

_{Чыганак: «Татар-информ»}