Апас аграр көллияте госпиталь өчен киемнәр тегеп тапшырды

(27 июнь, “Апастово-информ”).


“30 чалбар, 5 күлмәк, 75 эчке кием барысы да безнең хәрбиләр турында зур кайгырту белән эшләнгән. Барысы да җиренә җиткереп тегелгән, тасланган, үтүкләнгән. Студентлар белән, тегү түгәрәгенә йөрүчеләр белән бергәләп эшләдек”, - ди Рания Нәбиуллина.

Төргәкләргә студентларның хатларын да салдылар. Бу безнең яраланган сугышчыларга бик кирәкле ярдәм.
Көллият җитәкчесе Илгизәр Нигъмәтҗановка, укытучы Рания Нәбиуллинага, бу эшкә өлеш керткән һәркемгә сугышчыларыбызга ярдәм иткәннәре, кайгыртканнары, хатлар язганнары өчен зур рәхмәт.