Апаста Сабан туена бүләк җыялар

(6 июнь, “Апастово-информ”).
Җырлап-биеп, уен-көлке белән урамнарны әйләнделәр, һәр йортка кереп, киләчәк бәйрәмнәр белән тәбрик иттеләр алар.
Кунакчыл хуҗалар капка төбенә үк чыгып каршы алды, бүләген бирде, изге теләкләрен җиткерде.
Сабантуйга яулык җыю күренеше һәр авылда узды. Бизәлгән атлар, кечкенә тракторлар белән урам әйләнде, гармун моңнары таралды. Бүләк бирүчеләр изге теләкләрен юллады, кушылып биючеләр дә булды.