Система эшли башлаганнан бирле «Халык инспекторы»на татарстанлылар машиналарын аз хәрәкәтләнүче гражданнар өчен урыннарда калдыручы машина йөртүчеләр турында 47 меңнән артык тапкыр хәбәр иткәннәр. Бу хакта «Татар-информ»га Татарстан Дәүләт идарәсенең Цифрлы үсеш, мәгълүмати технологияләр һәм элемтә министры урынбасары Алексей Клонцак сөйләде.
"Татарстанлылар аз хәрәкәтләнүче гражданнарның хокукларын яклау өчен «Халык инспекторы» кушымтасын актив кулланалар. «Инвалидлар өчен урыннарда Парковка» категориясе буенча гына да кулланучылар 47 меңнән артык гариза юллаган. Инвалид коляскасындагы кеше өчен җәяүләп барып җитәрлек парковка-ул тормыш кирәклеге. Кулланучылар асылда аз хәрәкәтләнүче гражданнарны цифрлы яклаучылар булды", - дип ассызыклады ТР Цифрлы үсеш министры урынбасары Алексей Клонцак.
Ул билгеләп үткәнчә, тротуарда ташланган автомобиль сәламәт кеше өчен киртә генә, ә инвалид яки коляскалы әни өчен – машина юлына чыгарга мәҗбүр итә торган тормыш куркынычы.
Чыганак – “Татар-информ”.
Нет комментариев