Казан метросында “акыллы” турникетлар урнаштыралар

  Яңа җиһазлар пассажирларны 50 процентка күбрәк үткәрәчәк.

  Метродан банк һәм транспорт карталары, QR-код һәм биометрия ярдәмендә файдаланып булачак. Турникетлар пассажирлар агымын анализлый торган датчиклар һәм мәгълүмати дисплейлар белән дә җиһазландырыла. Планлаштырылган 17 турникетның алтысы инде урнаштырылган. Эшләр пассажирларга комачауламас өчен төнлә башкарыла.

_{Чыганак “Татар-информ”.}