Бер хезмәткәрдә covid-19 авыруы билгеле булганнан соң тикшерелгән 127 хезмәт коллективының 83 ендә җитешсезлек очраклары ачыкланган.
(Казан, 14 октябрь, «Татар-информ», “Апастово-информ”).
Татарстан буенча Роспотребнадзор Идарәсендә Республика халкын хезмәттәшләре белән бергә вакыт уздырудан баш тартырга чакырдылар.
Бу хакта «Татар-информ» мәгълүмат агентлыгында узган матбугат конференциясендә ведомство җитәкчесе урынбасары Любовь Авдонина сөйләде.
«Бүгенге көндә эш буенча аралашуларны мөмкин кадәр чикләргә: барлык киңәшмәләрне онлайн-режимга күчерергә, җыелып сөйләшеп утыруларны бетерергә кирәк. Кызганычка каршы, хезмәт коллективларында бергәләп чәй эчү, төшке ашлар, туган көннәрен һәм төрле бәйрәмнәрне билгеләп үтү еш очрый торган күренеш», - дип сөйләде спикер. Ул шулай ук температуралы һәм вирус инфекциясе билгеләре булган хезмәткәрләрне эштән читләштерергә кирәклеген дә билгеләп үтте. Авдонина коронавирус белән авыручыларның төп өлешен эшчеләр (23%) һәм хезмәткәрләр (24%) тәшкил итә, дип белдерде.
“Моңа бәйле рәвештә эш бирүчеләрнең төп игътибарын офисларда һәм эш урыннарында барлык профилактика чараларын үтәүгә юнәлтергә телим”, - диде спикер. Спикер сүзләренә караганда, хезмәт коллективларында авыруга карата мөнәсәбәтнең йомшаруы күзәтелә.
Ведомство 127 хезмәт коллективын тикшергәннән соң, бер хезмәткәрнең Covid-19 белән авыруы билгеле булган, 83 ендә коронавирус инфекциясе таралуга сәбәпче булган җитешсезлекләр ачыкланган.
Нет комментариев