Пычак астына…

Район үзәк хастаханәсенең хирургия бүлеге җитәкчесе Рөстәм Гайнуллин хәбәр итә:

- Ел башыннан безнең бүлектә планлы рәвештә алдан әзерләнеп 200 пациентка операция ясалды. Планнан тыш, көтелмәгән рәвештә һәм сәнагәть тармагында, юл-транспорт һәлакәтләрендә төрле травмалар алу аркасында 100дән артык кеше операция өстәленә салынды. Бала тапканда төрле катлауланулар булдырмау, ана һәм бала тормышына да куркыныч янау сәбәпле, 20 әнигә "Кесарево сечение" ясалды. Нәкъ шул сәбәпле дә, быел районда бала табучы әниләр һәм дөньяга аваз салган бәбиләр арасында үлем-җитем очраклары булмаган.