Апасның беренче сыйныф укучылары белем дөньясындагы тәүге җиңүләрен бәйрәм иттеләр

(10 февраль, Ләлә Сафиуллина “Апастово-информ”).

Апас мәктәбенең 1 “В” сыйныфы укучылары да белем дөньясындагы беренче җиңүләрен зурлап билгеләп үттеләр. Алар “Әлифба” һәм “Азбука”га багышлап шигырьләр сөйләделәр, җырлар, биюләр башкардылар.
“Бәйрәм бик күңелле үтте. Балалар алга таба да тырыш булырга, ялкауланмаска, алдынгылар рәтендә булырга сүз бирделәр”, - диде Апас мәктәбенең 1 “В” сыйныфы укытучысы Гүзәл Сафина.