Авырмаска иде дә бит...

Райондагы фельдшер-акушерлык пунктларын капиталь ремонтлау, биредәге эш шартларын заманча дәрәҗәгә җиткерү дәвам итә, - дип хәбәр итә районның баш табибы Фатыйх Хәйдәров. Махсус программалар буенча быел Дүртиле, Морзалар, Чирмешән, Карамасар һәм Чүрибураш авыл ФАПлары капиталь ремонтланачак. Дүртиле һәм Карамасар ФАПларын балалар бакчасында урнаштыру күздә тотыла. Борнаш һәм Багышта медпунктлар яңа төзелүче мәктәп һәм клуб биналарына урнаштырылачак. Ә Караборнашта модульле блоклардан яңа фельдшер-акушерлык пункты төзү күздә тотыла.